係我上一篇嘅貼文講過，主要有兩種人士會瀏覽呢個網站，交通愛好者同埋公眾人士，當中後者需要交通資訊。

但係，喺呢度我發現有啲已經取消嘅路線資訊，被人誤會係現有路線嘅資訊，甚至問點解等極都冇車，好多路線都只係喺第一句略略講過「已停辦的 XXX 線......」，又或者喺唔係太顯眼嘅地方顯示呢條路線已經取消嘅資訊。

另外，我亦都發現呢度對於已取消路線嘅資料處理方式唔統一。有啲會預設收埋時間表，有啲就冇預設收埋；有啲就有額外嘅標題顯示線已經取消，有啲就冇。

我喺呢度建議三個處理嘅方式：

1. 用顯眼嘅方式喺時間表上面額外一行「以下為路線取消前的時間表：」

2. 喺時間表上面額外加一個標題，顯示時間表嘅有效時間

3. 將時間表預設收起，需要讀者撳「展開」掣先會顯示

剛才 215XBus 寫手於過海隧巴905線之編輯，使本人發現，巴典現時對未有正式命名之道路，處理手法未見統一。「支路」、「未命名道路」均有使用，甚至連部份道路名稱其實並不正式存在，例如「山道天橋」、「干諾道西天橋」等。

對於前兩者，介定較為模糊，何時使用何者，未有清𥇦做法。如上述之編輯，究竟該道路應為一條正常道路（但未有命名），還是次一級的支路？如使用政府「街道名稱」資料集，會發現此一小段「支路」，與北面延伸至西區公眾貨物裝卸區、中西區海濱長廊（包括豐物道以北一段）的路段屬同一道路（有相同 STREET_CODE）。故 215XBus 寫手之編輯有爭議。

至於非正式名稱，大多沒有可供查證來源，將之收錄是否符合本典原則？

另外尚有情況，例如西區海底隧道南面的連接道路（包括各條「支路」）並非西隧（道路）範圍，而是各條「未命名道路」或「支路」。於此情況下，又是否需要包含「支路」在行車路線段落？如是者，恐怕大部份路線有一半途經道路都是「未命名道路」或「支路」，似乎沒有意義。

因此，本討論帖旨在尋求有關道路的處理，究竟是否需包含此等未有命名的道路在內，以及其準則。請踴躍發表意見。

以前實施地區專營權嘅時候，「九龍路線」同「新界路線」基本上都係由九巴營辦，而新巴營辦嘅路線就可以用百位數「7」去分別，「離島路線」亦都有分開，冇需要標註營辦商都可以輕易分別路線嘅營辦商。

然而，而家其他巴士公司都開始營辦九龍同新界嘅路線，因此建議於未來嘅 RPP 版面（即係 2025-26 年度開始），可以新增「營辦商」一欄，以便分類。

（以下圖為例，呢度嘅 10 條路線入面，就混入咗 4 條唔係九巴營辦嘅路線）

「插旗線」而家成為巴士迷之間嘅術語，我認為可以開設相關條目，講解「插旗線」（並輔以例子 / 列表）。

由於有不少寫手反映模板裏的編碼過於複雜，難以對模板內容進行修改。而部分能夠減少編碼內容的其他程式語言（例如：Lua）亦未有善用。加上大量編碼會令網站負荷加重，令讀者難以短時間内閱讀。

故此現展開「模板優化計劃」，希望討論一些需要優化的模板，移除不必要的模板裏的編碼，並且增設其他程式語言取代複雜的HMTL。

另外，關於研究網站功能的討論亦可在此討論。