好似突然被用戶 @Peterho5212 多次回退，唔知呢位用戶係咪有任何嘅特別原因想咁做呢？
九龍專綫小巴7號線嘅方式可取，不過進一步加埋{{HideH}}{{HideF}}會好啲。
模板喺手機睇唔到，作用比較有限，不過加埋都冇所謂。
回 215XBus：
就係想講最後一個生效嘅時間表都用{{HideH}}{{HideF}}處理。
至於用「以下為路線取消前的時間表：」定係其他字眼，呢個睇下大家會唔會有共識。
回 Cbak3006:
至於其他資料需唔需要，我無特別意見。
只係時間表會比較容易誤導乘客，以為仲有車，所以先特別講。
呢個就係我想講嘅，公路／隧道轉車站路線都比較集中，其實都可以寫。
{{HideH}}{{HideF}} 亦都係好方法。
至於問題 2，我諗已經唔需要再爭論落去了，已經有好有力嘅理由去反對。日後如果有其他類似嘅站，都可以跟返呢個放針去處理。
我當時主要係見到 新界小巴 58S 有人問呢個問題先出 post 嘅，我而家分返幾類先
A) 全無：冇顯示「以下為路線取消前的時間表：」或類似字眼、冇收埋時間表、冇顯示時間表嘅有效時間
B) 上面嘅嘢少其中兩樣
待查
C) 上面嘅嘢少其中一樣
九巴70X線（冇收埋時間表）
更新：事實上大部分路線都冇收埋時間表
歡迎其他寫手補充
我相信 1 & 2 都好一面倒有答案，我亦都同意各位嘅講法，我冇咩特別想再講。
至於 3，現時主要得總站先有呢個做法，我覺得可以將 PTI 都加埋落去。但係以青沙公路轉車站為例，本身條目已經好長，我覺得可以整獨立頁面（類似過往路線資料咁）淨係寫使用路線嘅變遷，亦都可以避免普通市民查閱嘅時候覺得條目太長。
另外，想回覆埋 215XBus 對 1 嘅內容嘅回覆。
「香港巴士紀錄列表」同「過往紀錄」的確有唔同嘅紀錄可以顯示，但係呢個紀錄未必會記底好多好細微嘅紀錄。舉例，唔會特登寫低荃灣區第一條城巴路線嘅邊條、港島區第一條 P 字尾嘅路線係乜、新巴第一條用 E 字作結嘅路線等等。
另外，除咗紀錄之外，仲有好多其他有研究價值嘅資料，呢樣先係我覺得最重要嘅。例如歷史，以「青沙公路轉車站」嘅條目做例子，可能因為呢個站喺巴典建立之後先有，本身條目係包含好多詳細嘅歷史，將青沙公路轉車站嘅停站路線變化寫出嚟，但後尾被刪除（20:44, 16 September 2023）。如果過多幾年，甚至再遲啲想考究返，可能就好難 / 煩。
兩位嘅嘢我都明嘅
呢度需要有事實根據 / 證據先會寫，否則就會變內容農場。
如果我哋教人點搭車，人哋就有機會將搭錯車 / 兜咗路嘅責任擺落呢度。
城巴啲線係入咗呢度先，然後再兜路，所以似乎未必需要咁做。
只不過，以「流水響」呢個 case，本身站名就係同人哋要去嘅地方一樣，但位置同埋步行距離就差好遠。有啲人覺得兜路係中伏，有啲人覺得行得遠係中伏，我覺得係可以同時指出山麗苑比較近 + 城巴啲線要兜路先到。雖然係比較長，但因為本身站名有機會導致乘客有誤解，我認為有需要講埋。
當然，我唔係話要再針住呢個條目再拗落去，但我認為可以借呢個機會講下呢個問題。
簡單啲講，我認為如果站名本身會造成問題嘅話，就應該補充。
係我上一篇嘅貼文講過，主要有兩種人士會瀏覽呢個網站，交通愛好者同埋公眾人士，當中後者需要交通資訊。
但係，喺呢度我發現有啲已經取消嘅路線資訊，被人誤會係現有路線嘅資訊，甚至問點解等極都冇車，好多路線都只係喺第一句略略講過「已停辦的 XXX 線......」，又或者喺唔係太顯眼嘅地方顯示呢條路線已經取消嘅資訊。
另外，我亦都發現呢度對於已取消路線嘅資料處理方式唔統一。有啲會預設收埋時間表，有啲就冇預設收埋；有啲就有額外嘅標題顯示線已經取消，有啲就冇。
我喺呢度建議三個處理嘅方式：
用顯眼嘅方式喺時間表上面額外一行「以下為路線取消前的時間表：」
喺時間表上面額外加一個標題，顯示時間表嘅有效時間
將時間表預設收起，需要讀者撳「展開」掣先會顯示
有部份條目可能因為資料較多，又或者是因為編輯者認為冇必要，從而刪減條目入面嘅內容。然而，我發現有啲嘅條目似乎過度簡化，令好多有研究意義或者特別資訊嘅資料被刪除。
《香港巴士大典》有兩類讀者
1. 巴士迷 / 交通愛好者
2. 公眾人士
對於 1，呢類人士有可能需要呢啲嘅資料作歷史研究。我相信香港巴士大典可以營運幾耐嘅時間，甚至乎一啲 source 已經被刪除之後，香港巴士大典都依然健在。如果刪除太多資料，亦都代表多年之後想研究嘅人可能失去呢類嘅資訊。舉例：「78X及79X線為城巴首兩條服務北區的獨營專營巴士路線」呢個資訊喺而家的確好多交通愛好者都知，但過多幾年，甚至幾十年，到其他人希望研究呢條線嘅歷史嗰陣，咁就會失去呢個資訊。有好多資訊喺多年之後或者會成為好有用嘅資料，就好似我最近都係睇呢度先知 85P（第一代）係第一條用 P 做尾嘅路線咁。
對於 2，呢類人士的確唔需要研究意義嘅資料，但佢哋需要交通資料。雖然呢度唔係旅遊指南 / 地圖，但係呢類人可能會使用 Google 等搜尋器入咗嚟呢度睇交通資料，如果一啲有指南作用嘅資料被刪除，咁亦都可能會令公眾對呢個網站留下負面印象。舉例：流水響呢個條目入面，我曾經加入類近「前往流水響水塘嘅乘客比較適合喺山麗苑落車」嘅字眼，不過其他編輯嘅表示唔應該做咗指南嘅角色，最終被改為「從流水響道轉入布格仔路及皇后山徑設有行人通道往返山麗苑」呢個比較隱喻嘅講法，但係本身市民可能就係唔識路，然後喺 Google search 咗入嚟，佢哋根本唔會得到「去流水響水塘可以考慮山麗苑落車」呢個資訊。（尤其長者，佢哋可能唔識 Google Search 同 Google Map 搜尋嘅分別，亦都未必可以消化同歸納網上資訊）同時呢類型嘅人亦都唔需要太多嘅研究資訊，否則可能會令到佢哋覺得資訊好混亂。
我認為應該要好好諗下同討論下應該點樣平衡兩者嘅需求，同埋應該點樣確保條目簡潔得嚟又唔會放棄好多資料。
以前實施地區專營權嘅時候，「九龍路線」同「新界路線」基本上都係由九巴營辦，而新巴營辦嘅路線就可以用百位數「7」去分別，「離島路線」亦都有分開，冇需要標註營辦商都可以輕易分別路線嘅營辦商。
然而，而家其他巴士公司都開始營辦九龍同新界嘅路線，因此建議於未來嘅 RPP 版面（即係 2025-26 年度開始），可以新增「營辦商」一欄，以便分類。
（以下圖為例，呢度嘅 10 條路線入面，就混入咗 4 條唔係九巴營辦嘅路線）
可能需要喺入面 mark 到明唔好舉例，除非嗰個例子有必要用作說明。
定義方面我認為可以用一個最簡單同大包圍嘅定義。
無論你係處於乜嘢定義，都離唔開「插旗線（Flag Planting Route）指巴士公司為擴大市場佔有率，或者希望在新發展區獲得經營權，而開辦的巴士路線」呢個大題。
無論你認為巴士公司喺巴士公司冇服務嘅地方（包括舊發展區）開線就係插旗又好，認為巴士公司拆線服務新區就係插旗又好，認為巴士公司喺新區拆嘅第一條線先係插旗又好，認為服務新客流就係插旗又好，頭先嘅大題都符合。
啱啱改好咗，歡迎睇一睇。
不過小弟一陣有啲忙，如果有任何意見歡迎繼續留言，我得閒再睇 / 回復。
如果真係解決唔到問題，咁就暫時擱置呢個條目，直至可以完善到為止。
所以我打算唔舉例子，咁樣可以將爭議減低。
但係我認為依然可以開立條目，本身巴士大典嘅讀者唔只限於資深巴士迷，可能都有一般市民同啱啱入坑嘅新巴士迷，呢啲人如果見到巴士迷用呢啲詞彙可能唔知咩意思，我認為本典應該開立條目，講解呢啲巴士迷之間嘅通用詞彙。
事實上，「熱狗」、「冷馬」、「邨巴線」呢啲條目都係咁，不過呢啲條目就有比較清晰且統一嘅定義。如果只係因為例子嘅爭議，咁就索性唔舉例子就好。
另一個可能係唔舉例子，只係講解呢個專用詞彙嘅意思，咁就唔會怕各位提及嘅問題。
好嘅，我得閒試吓起稿
見到，不過就係諗緊會唔會建立一個專講插旗線嘅條目，因為「獨市經營」同插旗意思唔同，甚至有衝突（例如插旗線 277A 都有後期開辦嘅 78X 競爭），如果要喺嗰個條目講就會離題。
我啱啱有另一個諗法，我覺得可以考慮將「招標線」（即「專營巴士」入面嘅「招標巴士路線經營權」項目）分拆一個頁面，並喺入面更加詳細講述路線招標同插旗。咁做亦都可以精簡「專營巴士」項目入面嘅內容。
至於係額外開「插旗線」嘅項目、開「招標巴士路線經營權」項目再喺入面講插旗線，定係其他方向就有待大家點睇。
