咁一係用「屯門西北（和田/菁田）」啦

雖然未必係perfect，不過總好過青山北，好礙眼，建議盡快改，好無?

可以稍微等多日睇下有無其他意見。或者改住沙盒先，再逐步推廣到A34/NA33，再到巴士站條目，最後提刪埋青山北條目。

我都覺得青山北好礙眼

大致上可以，不過「紫田村」的確歸返做兆康會好些。

老實講「屯門西北（XXX）」實在有啲長，屯門其他部份都無加方位，我建議統一照「屯門（XX）」算數。

我諗長度未必係考慮因素，「屯門西北（XX）」同「將軍澳南（XXX）」都係差不多，「安達臣道發展區」、「港珠澳大橋香港口岸人工島」同樣係長地名都廣泛應用緊，前者曾經有用戶試改用「大上托」，只係之後被其他用戶回退。但如果「屯門西北」相比屯門新市鎮其他地方，無一個明顯發展時間差異（與天南/天北 將軍澳/將南相比較），都係無需要零丁得屯門西北用方位。

參考埋其他留言like數，我諗會採用「屯門（菁田）」、「屯門（和田）」。

至於欣寶路上的紫田村分站，車站對面應該會係屯門第54區4A(東)號地盤，預留學校用地。有關學校會否被視為菁田邨（屯門第54區第3及4(東)號地盤）內？如會，跟番其他欣寶路分站用菁田會更好，否則計兆康亦可接受。

另外仲有綠小40塘亨路的分站和小坑村總站，個人建議直接用「小坑村」取代「青山北」。

不過紫田村個站本身都近欣田邨，同埋欣田邨個站又係歸在兆康。同埋紫田村的確多會公認屬於兆康。

紫田村好耐歷史喇喎，同和田菁田似乎唔可相提並論，而喺咩街道亦唔係所在區域嘅考慮因素，鳴琴路由寶田總站去到杯渡路咁長都唔係全條都屬同一區域啦；仲有對面都唔係考慮因素，反而道路本身可能正係區域分界線呢（有相當嘅更加係行政分區分界線添）。

我諗最重要都係考慮番車站的位置，以及車站周邊的環境同設施去判斷。因為都係新發展區，見到有預留用地，所以會想了解更多車站周邊情況。

不過剛才發現原來九巴app標示車站位置都稍有偏差，紫田村個站比我想像中更近欣田，咁用「兆康」都好。

剛才根據目前討論進度，修改用戶:215XBus/沙盒3城巴55線及港鐵巴士K74綫車站表，待各位同意即可擴展至其他54區路線，以至其他條目。

推一推文，想講講城巴54區路線，其實最初2022年7月，50M、50、55、56開線之時，城巴已經叫做「屯門北」路線，「屯門北的巴士網絡」。直至今天都仍有宣傳單張、Facebook帖子使用「屯門北巴士網絡」字眼。

既然四年來城巴確實經常用「屯門北」一名指稱和田菁田。當巴典定位是記錄香港巴士運輸相關的事物，開設「屯門北」的消歧義條目，介紹城巴以該名稱呼和田、菁田一帶，應無不妥。