有關用戶多次於本網作出以下違規行為:
查自2017年起,有關用戶多番針對及監視本人的每一個編輯,又以敵視態度回應別人合理解釋,情況一直持續,無奈須作出舉報,以匡正本典風氣。
佢真係以為路典無乜人玩就唔會畀其他大典系列嘅用戶知佢喺自己用戶頁玩嘢寫「偉論」?
得罪講句,根本幾萬、幾億甚至幾兆塊厚多士加埋都唔夠佢面皮咁厚。
BTW佢喺三四年前曾聲稱自己住過屯門「三十年」,如果係真嘅,咁佢好可能係年紀最大嘅大典系列Wiki用戶,咁即係佢「以大欺小」啦,同埋唔抵得我哋知識水平高過佢囉(佢嗰個年代嘅香港教育制度落後而家幾多呢可?連「站位」、「車坑」/「坑狀」等呢啲咁普通咁Common嘅詞語都唔識,甚至「皆」字都唔識寫[成日打成「旨」],加上咁依賴Google Search,仲反鬧大家識唔識中文)。
你唔出聲我哋無人會當你係啞嘅,你靜靜地乖乖地喺路典根據你搵到嘅同道路有明顯關係嘅資料正正經經貢獻落去就乜事都無,真正嘅功勞大家係自自然然有眼睇到,喺個人用戶頁或編輯摘要度長篇大篇「偉論」阿支阿左係咁吹噓自己有幾「叻」幾「威」,再借機亂咁對其他大典系列煽風點火只會更加人見人憎。
其實佢有冇諗過咁做只會令本身唔知咩事、中立,甚至撐佢嘅人都會對佢反感?
剛才所見,題述用戶轉戰渡輪典,內容暫見未有離題,亦未有再於個人用戶頁發表「偉論」,但仍不時於部份編輯摘要疑似唱衰本典。
冇去開輪典,睇佢編輯歷史先知佢喺被路典BAN之前已經活躍緊,當然呢兩日更多。BTW單憑「我唔會再理咩典班人阿支阿左」呢句唔足以入佢罪,睇定D先。
其實除呢句之外,另外嗰句都係間接唱衰本典,渡輪典有人喺中環3號碼頭條目個起訖點將「3號碼頭」縮細,佢就聲稱「渡輪典都明白係括號字用細字體既意義~~~~~ 讚!!!」,其實擺明係想攻擊在下喺本典將佢加嗰堆縮細全數delete翻晒啫。我想話,有人做唔等於就係standard囉(我見4、5號碼頭都無咁做,連括號都無添),咁本典呢度一向無呢個做法吖嘛,只係叫你學大規模改嘢前要先討論達成共識。
再者,佢路典討論頁上年尾有個「fandom使用者」留言疑似撐佢,叫佢盡快走出本典陰霾,唔使理C字頭嗰位用戶,佢就又好得敕啦... 嗰位「fandom使用者」只係IP(路典未有實施只限註冊用戶編輯),佢亦無參與其他路典編輯,在下懷疑可能其實根本就係當事人自己嚟,未登入先匿名扮係其他人支持,之後再登入返去「回應」。
啱啱Check咗好幾個路典道路條目,E生一方面係咁攻擊本典啲道路啟用/刊憲日期錯晒,但另一方面自己又搞錯晒道路嘅行車方向(單雙、東西等)、起訖連接點同所在區域,甚至連最基本嘅道路名都可以錯埋(二阪圳路都打得出,乜你唔係好鍾意google search㗎咩,正確路名google search下實搵到㗎 [你打錯google都可能會幫埋你修正]),雙重標準到簡直人唔笑狗都吠,唉...
為咗避免再畀佢搞死路典,趁而家佢被Ban,我都係時候玩埋一份啦。
今日係E生喺路典「刑滿出獄」嘅日子,剛才所見佢將路典用戶頁篇「偉論」Hide咗,姑且當佢真係收咗斂,但仍建議大家繼續觀察佢喺路典嘅一舉一動。
除咗 Exspeed 之外,亦都要留意另一永封用戶 KMBCTB 喺 italk 嘅舉措,佢近排又上水挑撥是非。
Italk我哋管唔到幾多,要睇佢哋Admin點處理,之前有好幾個成日亂噏廿四嘅都搞咗好幾個月甚至幾年先至終於被Ban。
想說些什麼嗎?